CEMBALIST

Jon M. Skogstad er opprinneleg frå Surnadal, og har vore aktiv musikant i nærare 40 år. Dei siste 25 åra også lærar ved Institutt for Musikk NTNU, Trondheim (tidlegare konservatoriet i Trondheim) i orgel, improvisasjon og cembalo.

Som utøvar på sine to hovudinstrument, cembalo og orgel, har han spesialisert seg på musikk frå barokken og særleg komponistar som J.S.Bach og J. Ph. Rameau. Han har som utøvar gitt konsertar i Skandinavia og USA. I tillegg til vanlege konsertar har han gjort mange temaprosjekt som bl.a. musikk av Sweelinck, Frescobaldi, Clavierübung (J.S. Bach), Robert Schumann, Rolf Nyhus, Ole Andreas Lindemann. Dette som solist, kammermusiker og dirigent. Han er også aktiv som akkompagnatør på piano.

Som dirigent har han vore leiar for bl.a. Nordmøre kammerkor, Tordenskjold songlag, Nidarosdomens guttekor, Midtnorsk solistensemble og konservatoriekoret i Trondheim. Han har også vore instruktør ved mange kor/vokalkurs.